اوکراینيو مشرانو د هېواد بحران هواري لپاره د ((ګردي مېز)) جوړولو وړاندیز کړی دی.
دا اعلان بېګا وزیراعظم ارسینې یاڅینیوک او لنډمهالي ولسمشر اولېکساندر تورشینوف وکړ.
دواړو مشرانو وویل، ګردي مېز ته به د ټولو سیمو سیاسي قوتونه او ولسي ډلې ورغواړي. دوی په دې لړ کې له نړیوالو منځګړو د مرستې غوښتنه وکړه. شنونکي وايي، په اوکرایني پلان کې د سولې د هغې ((تګلارې)) ډېری برخې شاملې دي چې تېره ورځ د اروپا امنیت او همکارۍ سازمان سوېس مشر په کیف کې وړاندې کړه.
تر دې مخکې د روسیې د بهرنیو چارو وزیر سېرګې لاوروف او د ده امریکايي سیال جان کیري له یو بل سره د اوکراین بحران هواري لپاره پر ګډو هڅو خبرې وکړې.
دا وړاندیز تر هغې وروسته شوی دی چې د اوکراین د ختیځ په دونېڅک او لوهانسک کې روسي پلوه بیلتونپالو مشرانو وویل، دوی به د روسي ولسمشر ولادمیر پوټین له خوا د ریفرنډمونو ځنډولو پر غږ سربېره، د یکشنبې پر ورځ د خپلواکۍ ټولپوښتنې کوي.
دا اعلان بېګا وزیراعظم ارسینې یاڅینیوک او لنډمهالي ولسمشر اولېکساندر تورشینوف وکړ.
دواړو مشرانو وویل، ګردي مېز ته به د ټولو سیمو سیاسي قوتونه او ولسي ډلې ورغواړي. دوی په دې لړ کې له نړیوالو منځګړو د مرستې غوښتنه وکړه. شنونکي وايي، په اوکرایني پلان کې د سولې د هغې ((تګلارې)) ډېری برخې شاملې دي چې تېره ورځ د اروپا امنیت او همکارۍ سازمان سوېس مشر په کیف کې وړاندې کړه.
تر دې مخکې د روسیې د بهرنیو چارو وزیر سېرګې لاوروف او د ده امریکايي سیال جان کیري له یو بل سره د اوکراین بحران هواري لپاره پر ګډو هڅو خبرې وکړې.
دا وړاندیز تر هغې وروسته شوی دی چې د اوکراین د ختیځ په دونېڅک او لوهانسک کې روسي پلوه بیلتونپالو مشرانو وویل، دوی به د روسي ولسمشر ولادمیر پوټین له خوا د ریفرنډمونو ځنډولو پر غږ سربېره، د یکشنبې پر ورځ د خپلواکۍ ټولپوښتنې کوي.
