د لاسرسي ځای

د پاکستان د وزير اعظم د امنيتي او بهرنيوو چارو سلاکار سرتاج عزیز يو ځل بيا ويلي چې يو باثباته افغانستان د پاکستان په ګټه دی.


نوموړي دا خبره د پاکستان له سرکاري راډیو سره په مرکه کې کړې ده. دا په داسې حال کې ده چې افغان حکومت تور لګوي چې پاکستان د افغانستان په بدامنۍ کې لاس لري او نه غواړي چې هلته امن راشي.

بلخوا د افغانستان د کونړ ولايت چارواکي وايي چې د پاکستان له خاورې ۱۸ توغندي په دانګام ولسوالۍ کې لګیدلي دي.

د کونړ امنیه قومندان عبدالحبیب سید خېل د شنبې پر ورځ مشال راډیو ته وویل چې دغه توغندي د پاکستان د پوځ له لوري ویشتل شوي دي خو چاته په کې مرګ ژوبله نده اوښتې.

پخوا هم په ورته بريدونو کې ځايي افغانانو ته ځاني او مالي زيانونه اوښتي وو.
XS
SM
MD
LG