د لاسرسي ځای

د کابل امنیتي چارواکي وايي، نن له غرمې مخکې په کابل کې یوه افغان پولیس درې بهرني ډاکټران ووژل او یو بل یې ټپي کړ.

د کابل امنیتي چارواکي وايي، د پنجشنبې پر ورځ له غرمې مخکې په کابل کې یوه افغان پولیس درې بهرني ډاکټران ووژل او یو بل یې ټپي کړ.

د کابل د امنیې قومندانۍ ویاندحشمت الله ستانکزي مشال راډيو ته وویل، د کیور خصوصي روغتون یوه ساتونکي چې پولیس دی په دغو ډاکټرانو ډزې کړي او خپله هم ټپي شوی دی.

ښاغلي ستانکزي وویل، حمله کوونکی نیول شوی او تحقیقات ترې روان دي خو د دې کار علت یې نه دی معلوم.

له بلې خوا د افغانستان د کورنیو چارو وزیر عمر داوودزي د دې پيښې په اړه خواشیني څرګنده کړې او پولیسو ته یې ویلي چې ژر تر ژره دې دا پیښه وڅیړي.
XS
SM
MD
LG