د لاسرسي ځای

په شمالي وزیرستان کې پنځه وسله وال وژل شوي دي


د پاکستان استخباراتي چارواکو او ځايي خلکو د جمعې په شپه مشال راډیو ته وویل،چې نامالومه وسلوالو په شوال سيمه کې د نورو وسلوالو پر يو موټر بمي بريد وکړ چې په کې ناست پنځه واړه وسلوال ځای پر ځای وژل شو.


چارواکي زياتوي چې په تيرو څو ورځو کې د وسلوالو ډلو ترمنځ په نښتو کې يو شمېر کسان وژل شوي دي.

ياده دې وي چې د پنجشنبې پر ورځ هم په شمالي وزیرستان کې پر وسله والو په دوو بېلا بېلو حملو کې نهه وسله وال وژل شوي وو. د استخباراتي چارواکو په خبره په لومړۍ پېښه کې د ملا سنګین ډلې درې وسله وال وژل شوي وو.
XS
SM
MD
LG