د لاسرسي ځای

افتاب احمد خان شیر پاو وايي یوازې دډزبندۍ اعلان ستونزه نه هواروي


افتاب احمد خان شیر پاو

افتاب احمد خان شیر پاو

د پاکستان د کورنیو چارو پخوانی وزیر او د قامي وطن پارټۍ مشر افتاب احمد خان شیر پاو د اتوار په ورځ په پېښور کې یوې خبري غونډې ته د وینا پرمهال وویل : د طالبانو له خوا په یو اړخیزه ډول د اوربند اعلان غوره ګام دی ، خو وړاندې به دا خبره هم کتل پکار وي چې ددې پریکړې پرمهال څه اخلاص هم شته او که نه ؟

نوموړي زیاته کړه : یوازې ډزبندي د ستونزې حل نه دی ، اوس به دا هم کتل پکار وي چې په دې باندې څنګه عمل او پر مختګ وشي ؟ نوموړي وویل که ترمنځه اخلاص موجود وي ، نو بیا خو دا ډیر مهم او مثبت ګام دی.

افتاب احمد خان شیر پاو دارنګه د حکومت د قومي سلامتۍ په کړنلارې باندې هم نیوکې وکړې او څرګنده یې کړه چې پوځ وايي که پر دوی برید وشو ، نو دوی به ځوابي برید کوي ، خو دوی د مخکښو عملیاتو پالیسي نه لري. نوموړي وویل ، پر پوځ د بریدونو ځواب که پوځ ورکوي، نو پر ولسي خلکو د طالبانو د بریدونو ځواب به نو څوک ورکوي ؟

دپاکستان دکورنیو چارو پخواني وزیر په خپلو څرګندونو کې په پښتونخوا صوبه کې د تحریک انصاف د کارکنانو لخوا د ناټو د سپلايي د لارو پر بندولو هم نیوکه وکړه او ویې ویل : د عدالتي فیصلې د مخې ته راتلو نه پس باید داهم وکتل شي چې ددې له وجې د صوبې اقتصاد ته څومره تاوان ورسیدلو ؟

افتاب شیر پاو داهم وویل چې ترهګري هیڅ ډول پوله نه لري ، او په داسې حال کې چې له افغانستانه نړیوال ځواکونه په وتو دي، پاکستان له یوه داسې پالیسۍ باندې عمل کول پکار دي چې دټولې سیمې امن ورسره باوري شي.
XS
SM
MD
LG