د لاسرسي ځای

چک هیګل نن د ناټو د دفاع له وزیرانو سره د افغانستان په اړه خبرې کوي


د امریکا دفاع وزیر چک هیګل نن په برسلز کې د ناټو د دفاع له وزیرانو سره ګوري چې په افغانستان کې د راتلونکې په اړه خبرې وکړي.


دا غونډه تر هغې یوه ورځ وروسته کېږي چې سپینې ماڼۍ د امریکا دفاع وزارت پینټاګان ته امر وکړ چې د روان کال تر پایه له افغانستانه د ټولو ۳۳ زره امریکايي سرتېرو ایستلو تیاری دې ونیسي.

تېره سېشنبې پر ورځ له خبریالانو سره د خبرو پر وخت هیګل وویل: ((هره ورځ چې تېرېږي نو [د دوی] موقعې کمېږي.)) هیګل وویل، له افغانستانه د ټولو ځواکونو ایستلو پلان یو احتیاطي ګام دی، خو زیاته یې کړه چې د ناټو له چارواکو سره به پر نېټو خبرې نه کوي.

امریکايي ولسمشر د دې ګام امر ځکه ورکړی دی چې افغان ولسمشر حامد کرزي اشاره ورکړې ده چې ښايي دی له امریکا سره دوه اړخیزه امنیتي تړون تر ولسمشریزو انتخاباتو پورې لاسلیک نه کړي.
XS
SM
MD
LG