د لاسرسي ځای

برتانیا او ایران په رسمي ډول ډېپلوماټ اړیکي پر حاله کړل


دا اړیکي، برتانیا هغه وخت پرې کړي ول چې په ۲۰۱۱ز کال کې ایرانیو سختدریځو په تهران کې پر برتانیوي سفارت برید کړی وو. د برتانیا د بهرنیو چارو وزارت د یوه ویاند له خولې ویل شوي:


((برتانیا له ایران سره سلا شوې ده چې د پنجشنبې له ورځې به دوه اړخیز اړیکي په مستقیمه توګه د غیر مقیم شارژې دافېیر او چارواکو په وسیله پر مخ وړي.))

د ایران د بهرنیو چارو مرستیال وزیر مجید تختروانچي هم اېسنا خبري اژانس ته د دې خبر پخلی کړی دی چې دواړو هیوادونو بیا ډېپلوماټیک اړیکي جوړ کړي دي.

د دواړو هیوادونو اړیکي تر هغې وروسته ښه شول چې د اګست په میاشت کې منځلاري ولسمشر حسن روحاني واک تر لاسه کړ.

د برتانیا نوي استازي اجې شرما د ډېسېمبر په میاشت کې ایران ته تللی وو.
XS
SM
MD
LG