د لاسرسي ځای

امریکا: جوهر څارنایف ته د مرګ سزا غوښتنه


جوهر څارنایف

جوهر څارنایف

د امریکا وفاقي (فېډرالي) څارنوالان وايي، که پر جوهر څارنایف د بوسټن ډله ییزې منډې بمي چاودنو تور ثابت شي نو ورته به د مرګ سزا غوښتنه وکړي.


تېره ورځ، د امریکا لوی څارنوال اېرېک هولډر وویل، هغه دولتي وکیلانو ته واک ورکړی دی چې د تېر کال اېپرېل ۱۵مې په بمي چاودنو کې د څارنایف مشکوک رول په اړه د هغه لپاره د مرګ سزا وغواړي.

په هغو چاودنو کې درې کسان وژل شوي او ۲۶۴ ژوبل شوي ول. دا د سېپټېمبر د ۱۱مې تر حملو وروسته په امریکا کې له لویو ترهګرو حملو یوه هغه وه. د سېپټېمبر ۱۱مې په بریدونو کې شا و خوا ۳۰۰۰ کسان وژل شوي ول. څارنوالان ادعا کوي چې جوهر څارنایف او د هغه ورور تیمور لنګ دواړو د بوسټن ډله ییزې منډې د پای له لیکې سره نېږدې په دېګ بخار کې دوه بمونه ایښي ول.

دواړه ورونه نسلاً د روسیې چېچنیا ول. تیمور تر بمي چاودنو څو ورځې وروسته له پولیسو سره په ډزو کې وژل شوی وو. ۲۰ کلن جوهر څارنایف ویلي دي چې مجرم نه دی.
XS
SM
MD
LG