د لاسرسي ځای

غور: ۱۳ تنه وسله وال له افغان سولې بهیر سره مله شول


د غور چارواکي وایې، په دې ولایت کې د سولې د بهیر له پيل څخه تر اوسه ۴۴۶ وسله وال مخالفین له دولت سره یو ځای شوي دي.



د غور والي سید انور رحمتي له آزادي راډيو سره په مرکه کې د سولې له پروسې سره ددې کسانو یو ځای کیدل ګټور و باله.


ښاغلي رحمتي د هغو امتیازاتو په اړه چې دې کسانو ته یې په پام کې نیولي، داسي معلومات ورکړل:

''موږ د سولې سره د یو ځای شویو لپاره د نوي ورځو په جریان کې د نغدي پيسو بستې لرو چې پکې له اتو زرو څخه تر دولس زره افغانۍ شامل دي او وروسته د هغوی سیمو ته انکشافي او پراختیایې پروژې هم وړو.''

د غور چارواکي وایې، په دې ولایت کې د سولې د بهیر له پيل څخه تر اوسه ۴۴۶ وسله وال مخالفین له دولت سره یو ځای شوي دي.

تر دې مخکې په بغلان کې هم د حکومت د سولې له پروګرام سره د وسله والو مخالفینو د یوې اتیا کسیزې ډلې د یو ځای کیدو خبر ورکړل شو.
XS
SM
MD
LG