د افغانستان د بګرام جيل د قيدیانو د کيسونو د څیړلو کمیټه وایي، هغه ۸۸ خوشې کیدونکي بندیان بې ګناه دي چې امریکایي سينيټران یې مجرمین بولي.
د دې کمیټې غړي عبدالشکور دادرس نن (شنبه) مشال راډیو ته وویل، دې اته اتیا بندیانو هیڅ جرم نه دی کړی او د افغانستان امنيتي ادارو یې هم د جرم په اړه اسناد نه دي وړاندې کړي.
په دې وروستيوو کې درې امریکایي سينيټرانو کابل ته د خپل سفر پرمهال وویل، چې دغو اته اتیا زندانیانو لسګونه افغان او بهرني سرتیري وژلي او خوشې کول به یې یوه جفا وي.