تاجران: موږ پښتونخوا او د ټول پښتانه قام لپاره تحفظ غواړو
په پیښور کې پرون د اتوار/یکشنبې پر ورځ د مېوې منډۍ د مشر تاجر حاجي کابل خان د وژنې پر ضد نن د ښار ټولو تاجرانو احتجاجي مظاهرې وکړې او لوی سړک جي ټي روډ ېې تر ډیره وخته د ټرافیکو پر مخ وتاړه. هغوی له صوبايي حکومته غوښتنه وکړه چې د کابل خان قاتلان دي ونیول شي او د پښتونخوا ټولو تاجرانو ته دې تحفظ ورکړل شي، ګنې د پیښور تاجران به خپل کاروبارونه پرېږدي.