سویډن هغو افغانانو ته چې له سویډني پوځیانو سره یې په افغانستان کې د ژباړونکو په توګه کار کړی؛ په سویډن کې د استوګنې اجازه ورکوي.
د سواریاس په نوم د سیمه ایزې راډیو د راپور له مخې د سویډن وسله والو ځواکونو او د کډوالو چارو وزارت په دې اړه چې په کوم شمېر افغانانو ته به د اړوندو ادارو له خوا په سویډن کې د استوګنې اجازه ورکړل شي، جزییات نه دي افشا کړي.
اکثر هغه افغانان چې له بهرنیو ځواکونو سره یې په افغانستان کې د ژباړونکو په توګه کار کړی، شکایت کوي چې له بهرنیانو سره د کار په خاطر له حملو او یا د حملو له ګواښ سره مخامخ کېږي.
