د لاسرسي ځای

‘د امریکا لپاره ۲۰۱۴کال د لویو پرمختګونو کال دی’


د امریکا ولسمشربارک اوباما ۲۰۱۴ کال د امریکا لپاره د لویو پرمختګونو کال وباله او ویې ویل چې، امریکایي ځواکونه به هم په دې کال کې له افغانستانه ووځي.


اوباما په سپینه ماڼۍ کې د ۲۰۱۳ کال په وروستي خبري کنفرانس کې نوی میلادي کال د امریکا لپاره له اقتصادي پلوه د پرمختګ کال وباله؛ خو د نړیوالو مسایلو په اړه یې هم د افغانستان د جګړې یادونه وکړه او وې ویل ، چې په ۲۰۱۴ کال کې به امریکایي ځواکونه له دې هېواده ووځي.

اوباما د روان کال په فبروۍ میاشت کې د افغانستان د جګړې د پای ته رسولو اعلان وکړ.

امریکایي چارواکو ویلي چې، له ۲۰۱۴ کال وروسته به یو لږ شمیر عسکر د افغان امنیتي ځواکونو د ملاتړاو د ترهګرۍ ضد جګړې لپاره په افغانستان کې پریږدي.

خو په افغانستان کې د امریکایي ځواکونو پاتې کېده په هغه امنیتي تړون پورې تړلې چې؛ افغان ولسمشر حامد کرزي یې له لاسلیک کېدو ډډه کړې ده.
XS
SM
MD
LG