د لاسرسي ځای

کوریا په افغانستان کې د "WFP" له ادارې سره مرسته کوي


د خوړو نړیوال سازمان "ډبلیو. اېف. پي" وایي؛ کوریا ژمنه کړې چې، د خوړو د خوندیتوب په هدف په افغانستان کې له دغې ادارې سره نهه میلیونه ډالره مرسته کوي. د دغې مرسته تړون د ایټالیا په مرکز روم کې د کوریا د استازي او د "ډبلیو. اېف. پي" د مسولینو تر منځ لاسلیک شوی.


د خوړو د نړیوال سازمان په یوه اعلامیه کې راغلي چې؛ دغه مرستې به په درېیو راتلونکو کلونو کې د بیارغونې او نورو عام المنفعه پروژو لکه د اوبو لګولو کانالونو، استنادي دیوالونو، د اوبو په بندونو او د لارو په جوړولو ولګول شي.

په اعلامیه کې دغه راز راغلي چې؛ کوریا په دې وروستیو کې د کرنیزو تولیدانو د ملاتړ په هدف له افغان بزګرو سره دیارلس میلیونه امریکایي ډالره مرسته کړې ده.
XS
SM
MD
LG