د لاسرسي ځای

افغانستان: پوليسو ۲۲۹ کیلوګرامه تاریاک ونیول


افغان پولیس وايي؛ په کابل ښارکې يې دوه سوو نهه ویشت کیلوګرامه تاریاک نیولي دي.


د نشيي توکو ضد مبارزې د پولیسو د خاصې قطعې قومندان جنرال امام الدین مطمین نن (پنجشبنه) په کابل کې خبریالانو ته وویل، دا مواد د ارغندي په چوک کې له دوو قاچاق وړونکو سره نیول شوي دي.

نوموړي وویل چې؛ نیول شویو کسانو غوښتل دا مواد له ننګرهاره د هېواد جنوب لویدیز ته انتقال کړي، چې تیره شپه ونیول شول.

د امام الدین په وینا په تیرو دوو اونیو کې پولیسو په کابل کې ټول شاوخوا شل ټنه مخدره مواد نیولي دي.
XS
SM
MD
LG