پيښور: د خیبر پښتونخوا په اسمبلۍ کې د شورو پر ورځ د وژل شوي پارلماني غړي اسرارالله ګنډاپور په اړه د مخالفو ګوندونو په غوښتنه په رابلل شوی غونډه کې هغه ته د عقیدت پیرزوینې وړاندې کړل شوې او په اسمبلۍ کې د هغه پر خالي څوکۍ د ګلونو ګېډۍ او ډیوې بلې کړل شوې وې.
اسرار الله ګنډه پور د تېر لوی اختر پر لومړۍ ورځ د وسلوالو ډلو په یوه ځانمرګي برید کې وژل شوی وو.
د اسمبلۍ په غونډه کې د اپوزیشن غړو د هغه وژنه په کلکه وغندله او حکومتی غړو په دې پېښه سخت خپګان وښود.
د پاکستان پیپلز ګوند د اسمبلۍ غړې نګت اورکزۍ مشال ریډیو ته وویل په کار ده چې د هغې پېښې ایف آئ آر د هغه وسلوالو ډلو پر په ضد درج کړل شی چې د برید ذمه واری قبوله کړې ده او داسې نه چې د نامعلومه وسله والو پر ضد دې ایف آی آر درج شي.
د یادونی وړ ده چی صوبايي وزیر اسرارالله ګنډاپور د لوی اختر په مازیګر د وسلوالو په ځانمرګي برید کې هغه مهال وژل شوی وو کله چې هغه په خپله حجره کې د خپل کلي له ولس سره د اختر مبارکي کوله. د هغه د وژلو ذمه واري انصارالامجاهدین نومې وسلوالې ډلې قبوله کړې ده.
