د ماشومانو د تعلیم جهاني مبارزه ملاله يوسفزۍ د بریتانيیا له ملکې اليزابېت سره نن د جمعې پر ورځ د لندن په بکنګم ماڼۍ کې مېلمنه ده.
د ملالې يوسفزۍ لپاره چې تر دې وړاندې يې د سخاروف په ګډون ګڼې نړيوالې جايزې ګټلي، او د سږ کال نوبل جايزې ته هم نومانده وه ، دا يو بل وياړ دی چې د بریتانیا له ملکې سره ملاقات کوي.
نوموړې د روانې اکتوبر میاشتې پر دولسمه نېټه په سپینه ماڼۍ کې د امريکا له ولسمشر براک اوباما سره هم ملاقات کړی وو. اوباما د نجونو تعلیمي حقونو لپاره د د ملالې مبارزه وستايله.
پاکستانيو طالبانو چې پر دوه زره دولسم کال یې په سوات کې د ملالې يوسفزۍ د وژلو هڅه کړې وه ، يو وار بيا يې ويلي، که یې موقع وموندله نو هغه به ژوندۍ نه پرېږدي.
