د افغانستان د کرکټ ملي لوبډله د کينيا سره د نړیوال کرکت ليګ او بین البراعظمي سیالیو کې د ګډون لپاره تېره ورځ د متحده عرب اماراتو په لور روانه شوه.
افغان لوبډله به په متحده عرب اماراتو کې د کینیا سره دوه(۲) پنځوس اوریزې، دوه(۲) شل اوریزې او همداراز د انټرکانټیننټل څلور ورځنۍ لوبې وکړي. په انټرکانټینېنټل سیالیو کې افغانستان تېروار په اول ځل برخه اخیستې وه او اتلولي یې پکې ترلاسه کړه.
