د پېښور دلیډي ریډنګ روغتون یوه صحنه
اتوار په ورځ د غرمې نه مخکې د خیبر پښتونخوا د مرکز پېښور ښار په کوهاټي بازار کې د یوې کلیسا ( چرچ ) سره نږدې درنه چاودنه شوې چې پکې د لومړنیو راپورونو پراساس شپیته کسان وژل شوي او اویا نور ژوبل شوي دي. دپېښې لیدونکو ، مشال راډیو ته وویل چې حمله ځانمرګې وه او د کوهاټي ګیټ په ( ایس ټي جونز کیتولک چرچ ) کې د عیسوي مذهبو د عبادت پرمهال رامنځ ته شوې ده. داتوار په ورځ عیسوي مذهبه خلک په کلیساګانو کې دخپلې عقیدې مطابق عبادتونه کوي.