د لاسرسي ځای

بان کي مون پاکستان ته روان دی


بان کي مون له ملالې یوسفزۍ سره پر سکایپ خبرې کوي

بان کي مون له ملالې یوسفزۍ سره پر سکایپ خبرې کوي

د ملګرو ملتونو مشر به په ۱۳ او ۱۴ اګست پاکستان کې وي. هغه به د پاکستان د وزيراعظم، صدر او د قامي اسمبلۍ د سپيکر سره ملاقاتونه کوي

د ملګرو ملتونو مشر بان کي مون به سبا په دوه ورځنې دوره پاکستان ته ورشي. د پاکستان د بهرنيوو چارو د وزارت وياند اعزاز احمد چودري نن په دې اړه مشال ريډيو ته وويل:


((د ملګرو ملتونو مشر به په ۱۳ او ۱۴ اګست پاکستان کې وي. هغه به د پاکستان د وزيراعظم، صدر او د قامي اسمبلۍ د سپيکر سره ملاقاتونه کوي او د دې تر څنګ به په ځينو نورو پروګرامونو کې برخه اخلي.))

د اعزاز چودري په وينا پاکستان د ملګرو ملتونو د سولې په ميشن کې پوځيان هم لري نو بان کي مون او پاکستاني چارواکو ترمنځ به د دغې موضوع علاوه به پاکستان کې د ګوزڼ یا پوليو د ختمولو او ځينې نورو مسايلو په اړه خبرې کيږي.

د مشال راډیو د دې پوښتنې په ځواب کې چې د پاکستان امنیتي حالاتو په کتو د بان کي مون د امنیت لپاره څه ډول ګامونه اخیستل شوي نو هغه وویل:

(( دا لومړی ځل نه دی چې یو لوړپوړی بهرنۍ د پاکستان په دوره راځي، بلکې په بیا بیا دلته د بهرنیو هېوادونو مشران راغلي دي. او هېڅ ناوړه پېښه نه ده رامنځ ته شوې. موږ پوره ډاډه یو چې د بان کي مون سفر به په خیر خیریت سره سر ته ورسېږي.))


د چودري په خبره په دې سفر کې به د هغه مېرمن هم ورسره وي.
XS
SM
MD
LG