د افغانستان د انتخاباتو خپلواک کمېسیون یوه مسئول مشال راډیو ته وویل، تر دغو مراسمو وروسته به نوي کمېشنران د دې کمېسیون کارکوونکو ته ور وپیژندل شي.
د تېرې دوشنبې پر ورځ افغان ولسمشر حامد کرزي د انتخاباتو د خپلواک کمېسیون نهه تنه نوي غړي وټاکل.
دغه کسان د هغو ۲۷ تنو له منځه انتخاب شوي ، چې انتخاباتو کمېسیون لپاره د غوراوي کمیټې یې لیست ولسمشر کرزي ته سپارلی و.
په افغانستان کې د ملګرو ملتونو د ځانګړي استازي دفتر یا یوناما وايي، د ۲۰۱۳ م کال په لومړیو شپږو میاشتو کې، په دې هیواد کې د ولسي خلکو په مرګ ژوبله کيې ۲۳ فیصده ډیروالی راغلی.
