د لاسرسي ځای

د عراق په کېرکوک ښار کې لږ تر لږه ۴۰ کسان په يوه ځانمرګي بريد کې وژل شوي دي.

دغه ځانمرګي بريد د جمعې په ماښام په يوه هوټل کې چې ګڼه ګوڼه په کې زياته وه تر سره شوې، چې په کې شا و خوا ۲۵ کسان ژوبل هم دي.

که څه هم په سمدستي توګه مالومه نه ده چې د پيښې ترشا د چا لاس دی خو د سني او شيعه فرقو له خوا پر يو بل په بريدونو کې سږ کال تر دې دمه په زرګونو کسان وژل شوي دي.

د ملګرو ملتونو د شمېر تر مخې يواځې په جون مياشت کې ۷۶۰ کسان وژل شوي ول.

په عراق کې د امریکايي سرتېرو تر وتو وروسته که څه هم امنیتي وضع ښه پاتې شوې ده خو د شیعه او سني ډلو تر منځ فرقه ییز تاوتریخوالی لا زیات شوی دی او په بریدونو او ځانمرګو چاودنو کې یې دواړو خواوو ته ډېره مرګ ژوبله اړولې ده.
XS
SM
MD
LG