د لاسرسي ځای

قاهره - د مصر د ولسمشر وياند وايي، د وزيراعظم په حيث په رسمي توګه د محمد البرادعي ټاکنه نه ده شوی.


تر دې وړاندې رپورټونه خپاره شوی ول چې د ملګرو ملتونو د اټومي انرژۍ ادارې پخوانی مشر محمد البرادعي به د مصر نوی لنډ مهالی وزیر اعظم وي.

د وياند په وينا البرادعي د شنبې یا خالي پر ورځ لنډ مهاله ولسمشر عدلي منصور سره ملاقات کړي وو خو رسمی ټاکنه يې نه ده شوی.

د ولسمشر وياند احمد مسلماني وویل:

((د وزيراعظم ټاکنې له پاره مشاورت روان دی خو تر اوسه پورې يې څوک هم نومولي نه دي. د يو نوم په اړه اشاره کېږي خو د ولسمشر له دفتره د دې تصديق لا نه دی شوی، ځکه چې دا يو فطری عمل دی چې په دې کړکېچنو حالاتو کې د نوي حکومت په جوړولو کې وخت لګي.))

د ولسمشر وياند زياته کړه، د وزيراعظم په توګه البرادعي نوم به يو غوره انتخاب وي.

د مصر دويم لوی اپوزیشن اسلامپاله ګوند نور وايي، د البرادعي له نوم سره اختلاف لري.

دې ګوند ګواښ کړی چې د نوموړي د وزیر اعظمۍ په صورت کې به د پوځي کودتا له ملاتړه به لاس واخلي.
XS
SM
MD
LG