د لاسرسي ځای


د خالي په ورځ د پېښور سره په څنګ کې بډه سیمه کې چاودنه شوې چې دراپورونو پر اساس شپاړس کسان یې په ترڅ کې وژل شوي او دیرش نور ژوبل شوي دي. د پېښور ډپټي کمیشنر جاوید مروت وايي دمرګ ژوبلې شمیره تر دې زیاتیدلای شي.

له پېښور نه د مشال راډیو خبریال خبر راکوي چې چاودنه د بډه بیرې د پولیسو د مرکز سره په خوا کې شوېده.

د ریسکیو ون ون ټوټو په نوم د ژغورنې د یوې ادارې چارواکو نن مشال راډیو ته وویل، په پېښه کې ژوبل شوي کسان د پېښور لیډي ریډنګ روغتون ته د درملنې لپاره رسول شوي دي.

د پېښې لیدونکي وايي چاودنه ډیره زوروروه وه او په ترڅ کې یې ګاډو او دوکانونو ته هم زیان رسیدلی دی.

دپښتونخواد اطلاعاتو وزیرشوکت یوسفزی وايي دوی په دې پېښه یوازې افسوس کولی شي. نوموړی وايي ترڅو د پاکستان مرکزي حکومت د ترهګرۍ په وړاندې خپله پالیسي بدله کړي نه وي، دویهیڅ ډول ګامونه نشي پورته کولی :




د چاودنې پرمهال د پاکستان د امنیتي ځواکونو یوه قافله د سیمې نه د تیریدو په حال کې وه، تر دې ګړۍ چا د پېښې مسوولیت قبول کړی نه دی.

XS
SM
MD
LG