د افغانستان د کورنیو چارو وزارت په بروکسل کې د ناټو د دفاع وزیرانو د دوه ورځنۍ غونډې د نتایجو هرکلی وکړ.
په دې غونډه کې د ناټو د دفاع وزیرانو له دوه زرو څوارلسم کال وروسته د خپل نوي ماموریت په اړه موافقه وکړه.
د کورنیو چارو د وزارت ویاند صدیق صدیقي مشال راډیو ته وویل چې د دې غونډې نتایجو د افغانستان خلکو ته وښودله چې نړۍ افغانستان ته شا نه کوي
د ناټو له نوي پلان سره سم به د امريکا متحد ايالتونه د افغانستان په جنوب او ختيځ کې د نورو هيوادونو مشري وکړي خو جرمني او ايټاليا ته به د شمال او لوېديځ ماموريت تر غاړې شي.
ترکيه په پلازمېنه کابل کې د رول پر منلو غور کوي.
خو تراوسه پورې دا پوښتنه حل شوې نه ده چې له ۲۰۱۴ وروسته به په افغانستان کې ناټو څومره پوځيان پرېږدي.
