په جمرود کې د ناټو په کاروان برید یو ډرایور ووژل شو
د خیبر ایجنسۍ د خاصه دارو ځواکونو یو لاین آفیسر خانداد آپریدی نن پنجشنبې مشال راډیو ته ویلي، دی چې نن غرمه د جمرود په غرییزه سیمه کې د افغانستان نه د ناټو ځواکونو پوځي سامان د پیښور ته وړونکو ګاډو باندې نا څرګنده وسلوالو ډزې وکړې چې په نتیجه کې يې یو ډرایور ووژل شو. په طورخم پوله د کسټم کلیرنګ ایجنټان وایي چې تر دې دمه په لسګونه ګاډو کې د طورخم نه پیښور په طرف د ناټو سپلایې سامانونه وړل شوي دي، او د طورخم پولیټیکل چارواکي وایې چې دوی ورته تر خپله وسه پورې سیکورټي ورکوی. د مشال راډیو خبریال فرهاد شینواري یو ویډیو جوړه کړې ده.