د لاسرسي ځای

دانتخاباتو په ورځ کراچۍ کې چاودنه یوولس مړه


.

.


د کراچۍ ښار په پښتون ګڼ میشته سېمه داود چورنګۍ کې په بمي حمله کې د وژل شویو شمیر ۱۱ ته لوړ شوی دی .

د کراچۍ د جناح روغتون د ایمرجنسي د وارډ مشرې ډاکټرې سېمي جمال مشال ریډیو ته نن وویل چې تراوسه په دغې حمله کې د وژل شو یو۱۱ کسانو مړي یاد هسپتال ته وروړل شوي دي .

د نوموړې په خبره په چاونه کې زخمیان شوي ۴۰ کسان اوس مهال په دغه هسپتال کې د درملنې لاندې دي چې په کې د ۷ کسانو روغتیايي حالت د انديښنې وړ دی .

یاده دې وي چې نن سهار د کراچۍ ښار د دواود چورنګۍ په سېمه کې د عوامي نیشنل ګوند په دفتر بمي حمله شوې وه . د حملې په وخت د عوامي نیشنل ګوند ګڼ شمیر پلویان او د کراچۍ له ۱۲۸ حلقې څخه ددغه ګوند نامزد امیدوار امان الله محسود په دغه دفتر کې موجود و.

د عوامي نیشنل ګوند چارواکي وایي له حملې څخه امان الله محسود ژوندی وتلی دی خو په چاودنه کې وژل شوي او ژوبل شوي ټول کسان ددوی د ګوند غړي او خواخوږي دي .

په کراچۍ کې ددې نه مخکې هم د عوامي نیشنل ګوند،ایم کیو ایم او پیپلز ګوند په انتخاباتي دفترونو وخت په وخت حملې شوي دي چې ذمه واریانې یې ناقانونه ګرځول شوې ډلې تحریک طالبان پاکستان منلي دي
XS
SM
MD
LG