د لاسرسي ځای


د ننګرهار سیمه یېز چارواکي وايي چې ددې ولایت په ګوشتې ولسوالۍ کې د افغان او پاکستانیو ځواکونو د تیرې شپې په نښته کې افغان ځواکونو د پاکستان له خوا په ډیورنډ کرښه نوې جوړه شوې دروازه او تاسیسات له منځه وړي دي.


د ننګرهار د والي ویاند احمدضیاعبدالزي مشال راډیو ته په دې اړه وویل:

” نښته بېکا شپه تر درو بجو روانه وه. د لومړنیو مالوماتو له مخې افغان امنیتي ځواکونو پرمختګ کړی دی. او پوسته یې له مینځه وړې ده. “

نوموړی وايي چې په دې نښته کې یو افغان سرباز وژل شوی او درې نور ټپیان دي او پاکستاني لوري ته تر دې ډیر تلفات اوښتي.

چارواکي وايي اوس په سیمه کې وضعیت ارام دی.

خو د پاکستاني چارواکو له خوا د دغه برید په اړه لا څه نه دي ویل شوي.

بلخوا په جلال اباد کې د پنجشنبې په ورځ په زرګونو تنو ولسي وګړو د پاکستان له اړخه د افغانستان پر خاوره د تيري پر ضد مظاهره وکړه.

مظاهره کوونکو له افغان دولته وغوښتل چې د خپلو سرحدونو ساتنه دې وکړي که نه دوی يې به یې په خپله دفاع وکړي.
XS
SM
MD
LG