فاټا او ټولټاکنې: خیبر اېجنسۍ ۴۶ حلقه ګړدۍ مېز
د سږني کال د مې میاشتې پر یولسمه نېټه د ټول پاکستان په ګډون د ګڼ مېشتو پښتنو په قبایلي سیمو لکه خیبر، مومند، باجوړ، اورکزۍ، کورمه، جنوبي وزیرستان او شمالي وزیرستان کې هم په لومړي ځل سياسي ګوندونو ته په انتخاباتو کې د برخې اخیستو اجازت ورکړل شوی. په دې لړ کې مشال راډيو د قبايلي سيمو د بيلا بيلو حلقو د اميدوارانو سره د خبرو اترو لړۍ پیل کړې چې موخه يې د قبايلو ستونځې د هغوی له راتلونکو استازیو سره شريکول دي. د دې لړۍ په نننۍ خپرونه کې مو د خیبر اېجنسۍ د قامي اسمبلۍ د ۴۶ حلقې لپاره ولاړو ازاد امیدواران کپتان خان اپرېدی، جان اکبر اپرېدی، قادرخان اپرېدی، پخوانی سېنېټر محمد شاه خان او د جمعیت العلماء اسلام امېدوار شمس الدین اپرېدی رابللي دي. د دغه ګړدي مېز کوربه د مشال همکار داود خټک دی.