د لاسرسي ځای

دجنوبي وزیرستان په واڼه سیمه کې په راکټي برید ونوکې یو کس وژل شوی او ۱۴ نور ژوبل شو دي . له سیمې څخه عیني شاهدانو نن ګهیځ (سهار) مشال راډیو ته په ټیليفوني خبرو کې وویل، چې په دغه سیمه کې نن سهار په داسې وخت کې ۵ راکټونه ولګیدل چې ازاد امیدوار نصیرالله وزیر د انتخاباتو په لړ کې جلسه کوله.


درې راکټونه د واڼه په شاوخوا سیمو کې لګیدلي خو دوه راکټونه د نوموړي جلسې ته نږدې ولګیدل چې په ترڅ کې یې یو کس ووژل شو او ۱۴ نور ژوبل شول.

بلخوا نن سهار له ټانک سره نږدې د پولیو پر څاڅکو ورکونکیو ډلې وسله وال برید شوی چې په ترڅ کې یې د لیویز ځواک دوه سرتیري ژوبل شوي خو د پولیو عمله خوندې ده.
XS
SM
MD
LG