د لاسرسي ځای

روغاني ته ملاله غوره جایزه ورکړل شوه


لومړنۍ ملاله غوره جایزه ترلاسه کونکی عبدالرحيم روغانی

لومړنۍ ملاله غوره جایزه ترلاسه کونکی عبدالرحيم روغانی

نيازاحمدخان مشال راډيو

سوات:- ملاله فاونډېشن د پښتو نامتو شاعر او ادیب عبدالرحیم روغاني ته د هغه د ادبي خدماتو لپاره اېوارډ او نغد انعام پېرزو کړ.


د خیبر پښتونخوا په سېلاني سیمه سوات د ترسره شوې دغه غونډه کې د ملاله فاونډېشن یوه غړي احمدشاه په خپله وينا کې وویل، چې ملاله فاونډيشن يو نړۍ وال تنظيم دی، چې په ټوله نړۍ او پتېره د پاکستان د پښتونو سيمو کې د ماشومانو د تعليم په لړکې کار کوي.

هغه وویل چې د ملالې يوسفزۍ هغه وينا چې ټول ماشومان باید سکولونو ته ولاړ شي د ملاله فانډيشن موخه او مقصد دی. احمدشاه زياته کړه چې ضياء الدين يوسفزي دوی ته په خصوصي توګه ويلي دي چې هر کال به د ملاله فانډيشن تر سیوري لاندې د سوات هغه هنرمندانو يا ټولنو ته ايوارډونه او نقد انعامونه ورکوي چې د خپل قام خدمت کوي. په دغه لړ کې لومړی ايوارډ د سوات اديب او شاعر عبدالرحيم روغاني ته ورکړل شو.

لومړنۍ ملاله غوره جایزه ترلاسه کونکي عبدالرحيم روغاني وویل د دغه جایزې په تر لاسه کولو مننه کوي او ډير خوشاله دۍ چې د ادبي خدماتو ستاينه یې کېږي.

د جایزې د دغه لړۍ شورو کولو په اړه ځايي شاعر او اديب محمد حنيف قيس مشال ريډيو ته وویل، چې دغه د ستاينې خبره ده چې ضياء الدين يوسفزي او ملاله يوسفزۍ له یوه بل هيواده د دوی له پاره د ايوارډ لړۍ شورو کړه او د سوات سره يي خپلې اړيکې و نه شلولې.
يو بل شاعر اديب فضل عظيم عظيم وايي، ملالې يوسفزۍ ته نړۍ لوی درناوې ورکړی او موږ هم دهغې ستاينه کوو ځکه چې هغه يوه بهادره پښتنه ده اودوی د دغه ايوارډ لړۍ په شورو کولو ډير وياړکوي.
XS
SM
MD
LG