د لاسرسي ځای

دباچاخان ملګري وايي د ویرې په ورځ نه یو پیدا


افراسیاب خټک، د عوامي نیشنل ګوند یو مشر

افراسیاب خټک، د عوامي نیشنل ګوند یو مشر


د خیبر پښتونخوا د اطلاعاتو وزیر میا افتخار حسین او د عوامي نیشنل ګوند صوبايي مشر افراسیاب خټک ویلي، د ترهګرۍ پر ضد مبارزې ته به دوام ورکوي.

دوی تېره ورځ د پېښور په نشتر هال کې د وسله والو طالبانو په حمله کې وژل شوي سینییر وزیر بشیر احمد بلور څلوېښتمې په اړه غونډې ته وینا کوله.

افراسیاب خټک وویل، بشیر بلور ته د پاکستان په هره برخه کې شوې دوعاګانې ثابتوي چې وسله وال په خپلو مقاصدو کې ناکامه دي:

(( په تیرو څلویښتو ورځو کې د ښمنانو وکتل چې د پاکستان په ګټ ګټ کې ، په خاصه توګه د پښتونخوا په هرکلي او هره بانډه کې خلکو بشیر بلور یاد کړو ، د هغه په یاد یې ختمونه وکړل، غونډې یې جوړې کړې.له دې ثابتیږي چې دښمنان په خپل هوډ کې ناکامه شول. ))




میا افتخار حسین غونډې ته د وینا پرمهال

میا افتخار حسین غونډې ته د وینا پرمهال


غونډې ته د وینا پر وخت میا افتخار حسین وویل، د وسله والو حملې دوی له خپل مرامه نه شي په شا کولای او دا چې د باچا خان سپاهیان د وېرې پر ورځ نه دي پیدا.

(( ترهګرو چې هر څومره ظلم وکړو، هرڅومره یې زمونږ بچي شهیدان کړل، هرڅومره یې زمونږ بازارونه بې رونقه ( پیکه ) کړل، زمونږ خوایندې میاندې یې شهیدانې کړې، خو که څوک وايي چې مونږ به و ویریږو، د باچاخان سپایان د ویرې په ورځ نه دي پیدا . ))

بشیر بلور چې د عوامي نیشنل ګوند یو مهم مشر او د خیبر پښتونخوا مشر وزیر و، څو اونۍ وړاندې په پېښور کې د یوې ځانمرګې حملې په ترڅ کې ووژل شو.
XS
SM
MD
LG