د لاسرسي ځای

اسفندیار: دکالاباغ ډیم پر سردپنجاب قومنداني نه منم


دعوامي نیشنل ګوند مشر اسفند یار ولي خان خبري غونډې ته وینا کوي

دعوامي نیشنل ګوند مشر اسفند یار ولي خان خبري غونډې ته وینا کوي


د عوامي نیشنل ګوند مشر اسفندیار ولي خان ویلي، که د پاکستان سپریم کورټ هم فیصله ورکړي چې کالاباغ ډیم دې جوړ کړل شي، دی به یې و نه مني.

تېره ورځ په پېښور کې د کالاباغ ډیم پر ضد یوې جلسې ته د وینا پر وخت اسفندیار ولي خان وویل، هر کس چې په حکومت کې راغلی د پنجاب په زور یې خبره کړې چې دا ډیم به جوړوي.

(( د پنجاب نه چې هرڅوک حکومت ته راغلی ، همدا خبره کوي چې د کالاباغ ډیم به جوړوو، زه دوی ته وایم د کالاباغ په سر نه نظر پوښتنه کې برخه اخلم ، نه مذاکرات کوم ، زه له سره کالاباغ نه منم. زه په دې اړه د سپریم کورټ پریکړه هم نه منم .))


د عوامي نیشنل ګوند مشر زیاته کړه، که پنجاب ورسره د ورور په توګه اوسي خو ښه ده که نه پښتنو نه پخوا د چا قومانداني منلې او نه به یې اوس و مني. څوورځې مخکې دلاهور هايي کورټ په خپله یوه پرېکړه کې ویلي وو چې کالاباغ ډیم دې جوړ کړل شي. د دې پرېکړې پر ضد په سند او پښتونخوا کې احتجاجونه وشول.

XS
SM
MD
LG