د لاسرسي ځای

کراچۍ: د یوه دیني عالم له وژلو پس مظاهرې او بلوې


کراچۍ ښار په بیا بیا د بدامنیو او ګډوډيو ښکار کېږي

کراچۍ ښار په بیا بیا د بدامنیو او ګډوډيو ښکار کېږي

په کراچۍ ښار کې د يو دیني عالم په ګډون ۶ کسان وژل شوي دي. د پولیس په وينا نامعلوم موټرسايکل سورو نن سهار په ابوالحسن اصفهاني روډ پر دیني عالم محمد اسماعیل ډزې وکړي او ويې واژه.

د چارواکو په وينا د نوموړي تر وژنې وروسته د وژنې وروسته د ښار په ځینو سيمو کې قهرجنو مظاهرینو په احتجاج لاس پورې کړې او د چارواکو سره لاس ګريوان کېدو له وجې څلور تنه زخميان شوي دي.

چارواکي وايي چې د پنځوو نورو کسانو مړي ورته د ښار په بيلابيلو سيمو کې موندل شوي.

کراچې کې له يوې اوږدې مودې راهيسې بدامني روانه ده چې پکې ګڼ عام خلک، سياسي مذهبي اوقومي مشران وژل شوي.

XS
SM
MD
LG