د لاسرسي ځای

د راولپندۍ ځانمرګي برید کې ۲۳ تنه مړه ۶۰ ژوبل


راولپنډۍ : ځانمرګي برید کې د یوه وژل شوي خپلوان ویر کوي

راولپنډۍ : ځانمرګي برید کې د یوه وژل شوي خپلوان ویر کوي



پرون چهارشنبه په پاکستان کې یوه له خونړیو او تاوتریخوالې ډکه ورځ وه، چې د هېواد د څلور واړو صوبو په بیلا بېلو ښارونو کوټه، کراچۍ، بنو، شانګلې او راولپنډۍ کې بمي چادونو، ځانمرګو بریدګرو او وسله والو حملو د عاشورې لمانځونکو ، پوځيانو، پولیس او نورو امنیتي عسکرو په ګډون ۳۶ تنه ووژل او تر۱۰۰ زیات ژوبل دي. په وژل شویو کې اووه تنه سرکاري امنیتي کسان دي.

د بریدونو وروستۍ پېښه د شپې ناوخته هغه مهال په راولپنډۍ کې رامنځته شوه چې یوه ځانمرګي برید ګر دشیعه ماتمیانو په یوه لویه ډله کې ځان والوځاوه چې څه نا څه ۲۳ کسان یې ووژل او څه باندې ۶۰ نور یې ژوبل کړل.

د راولپنډۍ ځانمرګي برید هم ګڼ خلک مړه او ژوبل کړل. ۲۱م نومبر۲۰۱۲

د راولپنډۍ ځانمرګي برید هم ګڼ خلک مړه او ژوبل کړل. ۲۱م نومبر۲۰۱۲

د روغتیا وزارت سرچینې وايي په ټپيانو کې د ځینو روغتیايي وضعیت د انديښنې وړ دی او ښايي د وژل شویو اصل شمیر نور هم لوړ شي.

د چاودونو او وسله والو بریدونو دغه لړۍ چې غرمه مهال په کوټه کې د پوځ پر یوه موټر په برید سره پيل شوه تر کراچۍ، پښتونخوا اوبیا دشپې ناوخته تر راولپنډۍ ورسیده چې یوه ځانمرګي بریدګر د شیعه ګانو یوې امام بارګاه ته نژدې په ځان پورې تړلي چوونکیو توکیو په الوځولو سره په لسګونو تنو ته مرګ ژوبله واړوله.

تر دې وړاندې په کراچۍ کې دوو بیلابیلو امام بارګاوو ته څيرمه په چاودنو کې دوه تنه ووژل شول او ۱۸ نور ټپيان شول.

په ټپیانو کې څو تنه خبريالان هم شامل دي.



شیعه ګانو پر حکومت اعتراض کړی، چې د په زرګونو ماتمیانو امنیت ته يې لازمه پاملرنه نه وه کړې، خو پولیس بیا دا تورونه ردوي او وايي، چې په ټوله لاره يې ټينګ امنيتي تدابیر نیولي ول خو نه پوهیږي چې ځانمرګی بریدګر څنګه دغه ځای ته ځان رسولی و.

پولیس وايي شعیه ماتمیان د محرم الحرام میاشتې د ځانګړیو مراسمو په ترڅ کې له یوې امام بارګاه څخه بلې ته په ډله ييزه توګه پلي روان و چې د لارې په اوږدو کې پرې چاودنه وشوه.

شیعه ګانو پر حکومت اعتراض کړی، چې د په زرګونو ماتمیانو امنیت ته يې لازمه پاملرنه نه وه کړې، خو پولیس بیا دا تورونه ردوي او وايي، چې په ټوله لاره يې ټينګ امنيتي تدابیر نیولي ول خو نه پوهیږي چې ځانمرګی بریدګر څنګه دغه ځای ته ځان رسولی و.



تر دې وړاندې په کراچۍ کې هم په دوو جلا جلا پيښو کې پر شیعه ماتمیانو چاودنې وشوې چې په ترڅ کې يې دوه تنه ووژل شول او د خبريالانو په ګډون اتلس تنه نور پکې ټپيان شول.

پر شیعه ماتمیانو سربیره په پښتونخوا او کوټه کې پر پوځي او امنيتي سرتیرو درې جلا حملې وشوې چې له امله يې څلور پولیس او درې پوځيان ووژل شول او یوشمیر نور يې ټپيان شول.

د کوټې بمي چاودنې پنځه تنه ووژل او تر ۱۵ ډېر ژوبل. ۲۱نومبر۲۰۱۲

د کوټې بمي چاودنې پنځه تنه ووژل او تر ۱۵ ډېر ژوبل. ۲۱نومبر۲۰۱۲

په کوټه کې د پوځ د ویاند له دفتره په خپره شوې خبرپاڼه کې ویل شوي، چې چاودنه پر هغو موټرو وشوه چې دپوځيانو ماشومان يې له ښوونځي څخه کورونوته لیږدول.

په دې چاودنه کې زده کوونکیو ته زیان نه دی اوښتی او یواځې درې تنه پوځيان او دوه ولسي وګړي پکې وژل شول او تر ۱۵ ډېر یې ژوبل کړل.

په عین حال کې په پښتونخوا کې په دوو بیلابیلو پيښو کې د پولیسو د یوه افسر په ګډون څلور تنه پولیس وژل شوي او یوشمیر نور يې ټپيان دي.

د امنيتي سرچینو د معلوماتو له مخې پر پولیسو د چاودنې او وسله وال برید پيښې په بنو او شانګلې کې رامنځته شوې دي.

کراچۍ کې پر یوه ځای دوې چاونې وشوې. ۲۱م نومبر ۲۰۱۲

کراچۍ کې پر یوه ځای دوې چاونې وشوې. ۲۱م نومبر ۲۰۱۲

په یوه ورځ دغه خونړۍ پيښې په داسې حال کې وشوې چې د پاکستان د کورنیو چارو وزیر رحمان ملک د چهارشنبې پر ورځ وویل، چې په خبره يې ترهګرو ټوله پاملرنه کراچۍ کوټې او اسلام اباد ته اړولې او غواړي په دې ښارونو کې تروریستي بریدونه وکړي.

خو په عین حال کې نوموړي خلکو ته ډاډ ورکړ چې امنيتي ارګانونو کلک تدابیر نیولي او ادعا يې وکړه چې هیڅ ترهګر به په خپل هدف کې کامیابیدو ته پرینښودل شي. د راولپنډۍ، کراچۍ او بنو د بریدونو پړه تحریک طالبان پاکستان پر غاړه اخیستې ده.

مجیب الرحمان انګار

XS
SM
MD
LG