د لاسرسي ځای

پېښور پولیس ممکنه ځانمرګی برید ګر ونیولی


پېښور پولیس ۱۳ کالن ممکنه ځانمرګی برید ګر ونیولو

پېښور پولیس ۱۳ کالن ممکنه ځانمرګی برید ګر ونیولو



په پيښور کي تير ماسخوتن پوليسو يو ځان مرګی بريد ګر او له هغه سره یو مرسته کوونکی نيولي دی دی چې دی یې هدف ته رساوه.

د پيښور د سر بند د پوليسو يو چارواکي مشال ريډيو ته وويل چي د سېشنبی په ماسخوتن د سربند پوليسو د باړی نه راروان يو موټر سائيکل په ناکه ودرولو او سمدستي يو ځان مرګی بريدګر د موټر سائيکل نه په تيښته شو او په ځمکه څملاستو او چغې بغارې یې کړې چې زما خوا ته مه راځی. زما له وجود سره بارود تړل شويدي.

د ممکنه ځانمرګي بریدګر مرسته کوونکی

د ممکنه ځانمرګي بریدګر مرسته کوونکی

پوليسو بم ناکاره کوونکې ډله رااوبلله او د ځان مرګي بريد ګر خودکش جيکټ یې ناکاره کړو- په دی لړ کې د پوليسو د بم ناکاره کوونکي ډلي اې آی جي شفقت ملک مشال ريډيو ته وويل چي بم ناکاره کوونکي ډلي په کاميابۍ سره له هغه نه ځانمرګي جيکټ لري کړو او د هغه په ژوندي نيولو کې بریالي شولو او په پيښور کي یې د ترهه ګرۍ يوه لويه هڅه شنډه کړه.


د سېشنبی په ماسخوتن باړه روډ د پوليسو د دې عملياتو پر مهال د هر ډول ټريفک لپاره تړل شوی وو او کله چي د ځانمرګي بريد ګر جيکټ ناکاره کړل شو نو ممکنه ځان مرګی بريد ګر او له هغه سره مرسته کوونکی ملګری رسنيو ته هم وښودل شولو او بيا د پلټنو لپاره دواړه نامعلومه ځای ته د امنيتي ادارو په ګاړو کي واستول شول.

پوليسو مشال ريډيو ته وويل چي د ځانمرګي جيکټ اغوستونکي ديارلس کلن بلال تعلق د باړی خيبر ايجنسئ سره دی او د هغه هدف ته د رسولو هڅه کوونکي جهانګير تعلق د پيښور دله زاک روډ مومن ټاون څخه دی-

XS
SM
MD
LG