د لاسرسي ځای



د ملالې روغتیايي حالت

۰۸:۱۰ بجې جمعه ۱۹ اکتوبر ۲۰۱۲

نن سهار د ملالې یوسفزۍ روغتیا ښه وه او شپه یې ارامه تېره کړه.
لس ورځې وړاندې ۱۵ کلنه ملاله چې طالبانو په یو برید کې ټپي کړه. د برتانییا په کوین الیزبیت روغتون برمنګم کې تر درملنې لاندې ده. د هغې علاج د کوین الیزبیت روغتون او د برمنګم ماشومانو روغتون لوی ډاکټران په ګډه کوي.

د ملالې مور پلار لا هم په پاکستان کې دي.


۰۸:۱۵، زیارت ۱۸ اکتوبر ۲۰۱۲


د ملالې روغتیايي حالت لا هم ښه دی. نن د اکتوبرپر۱۸ مه نېټه په 08:15 بجې د کوین الیزبېت روغتون برمنګم په خپل جاري کړي رپوټ کې ویلي چې ملالې دریمه شپه هم ارامه وه، او ډاکټران تر دا ګړۍ د هغې له ښه کېدو ډاډه او مطمیینه دي.

د کوین الیزبېت روغتون او برمنګم ماشومانو روغتون ګڼ لوی متخصیصین ډاکټران د هرې ورځې له حسابه د ملالې معاینه کوي او د هغې د روغتیا جاج اخلي.

دم ګړۍ د ملالې کورنۍ په پاکستان کې ده.

۱۷:۴۰بجې، شورو ۱۷ اکتوبر ۲۰۱۲


د کوین الیزبېت روغتون برمنګم ویاند ویلي چې اوس هم له روغتیايي پلوه پر له پسې په ښه کېدو ده او ډاکټران د هغې د ښه کېدو په اړه ډاډه ښيي.

او دم ګړۍ لا د ملالې کورنۍ له پاکستانه نه ده رارسېدلې.

۹:۰۰ بجې، د شورو ورځ ۱۷ اکتوبر ۲۰۱۲


د کوین الیزبېت روغتون برمنګم ډاکټران چې د ملالې یوسفزۍ روغتیا څاري وايي چې د هغې روغیتا مخ په ښه کېدو ده. هغه په خپله دویمه شپه هم آرامه وه.

۱۷:۰۰بجې، نهې ورځ ۱۶ اکتوبر ۲۰۱۲


د کوین الیزبېت روغتون برمنګم ډاکټران وايي د ملالې صحت په رغېدو دی. د روغتون مشر ډاکټر ډېو روسر د نهې په ورځ په خپله رپوټ کې ويلي چې ډاکټران د ملالې له قوت او زغمه ډېر مطمینه دي. او د هغې ټپونه مخ په رغېدو دي.

XS
SM
MD
LG