د لاسرسي ځای


منور شاه مشال راډيو

پراګ:- که یوې خواته انټرنیټ د دنیا هر ګوټ ته د مالومات دریابونه روان کړي نوبلې خواته د انټرنیټ ځنې ټولنیزې پاڼې لکه فېسبوک اوټویټر یو عام تن ته هم د خپلې رایې د اظهار موقع ورکوي.

په داسې حال کې چې په دې ورستیو کې د رایې د اظهار د آزادۍ ځینې غلط مثالونه رامنځ ته شوي آیا د فېسبوک استعمالونکي په دې اړه کوم احتیاط کوي او که څنګه؟ شاعر او لیکوال مجید قرار چې پخپله هم فېس بک ډېر کاروي وايي.


بلخوا د قبایلي ځوانانو دیوې اتحادیې مشره مهرین اپریدۍ وايي ، چې انټر نیټ د قبایلي سیمو نوی کول هم کم از د مالوماتو په برخه کې د نړۍ سره سیال کړی دی. خو په کار ده چې د منفي استعمال پرځای اوس دا ځوانان ددې مثبت استعمال وکړي او دنیا ته خپل مثبت تصویر وړاندې کړي.

مهرین اپریدۍ زیاتوي:


په انټرنیټ او په خاص توګه په فېس بک کې ځینې وخت داسې خبرې او مالومات تر سترګو کیږي چې نه یوازې دحقایقو نه لرې وي بلکې د ځینو کسانو، قامونو او یا ګوندونو سپکاوي کوي خو هیڅ سرچینه یا د خبر ذریعه یې مالومه نه وي. بیا هم ځینې خلک دغه خبرونه له خپلو یارانو دوستانو سره شریکوي او دا راز د دروغو، تهمتونو، او بهتان پرچار روان وي. په دې حواله مجید قرار وايي په رسمي میډیا کې د ذمه وارۍ ترڅنګ د څارنې باید یو مضبوط نظام موجود وي خو په فېسبوک هر تن آزاد دی نو په کار ده چې ددې آزادۍ سره پخپله د ذمه وارۍ احساس هم ولري. دا به څنګه کیږي؟ نوموړې وايي:


ماهرین په دې خبره متفق دی چې که څه هم موجوده دور د آزادۍ او جمهوریت دور دی خو په دې کې د آزادۍ د سم او جایز استعمال ضرورت لا نور زیات دی او پکار دي چې یو انسان هم/ د خپلې آزادۍ نه بل انسان ته تکلیف ونه رسوي.

XS
SM
MD
LG