د لاسرسي ځای

عبیدالله درانی په ۴۵ هېوادونو کې لومړئ ځائ وګټلو


د کوټې يوه زده کوونکي عبیدالله دراني يو داسې ګرین هاوس یا زرغون کور جوړ کړی دی. چې په هغه باندې هیڅ یو موسم اثر نه شي کولای. دا ځکه چې په دې زرغون کور کې هم ایر کنډیشن او هم د تودوښې لپاره هیټر لګېدلی دی. او ددې په وسیله بیا د دې د تودښې درجه یا ټمپرېچر له پنځویشت ډګري سنټي ګرېډ څخه کمېدای او له دېرش ډګري سنټي ګریډ څخه زیاتېدلای نه شي. د عبیدالله دراني همدا زرغون کور پروژه په ترکمانستان کې په يوه داسې سیالۍ کې لومړی نمبر واخیست، چې په کې د پنځویشتو هیوادونو زده کوونکو همداسې پرووژې جوړي کړې وې. عبیدالله درانی د پاک ترک انټرنیشنل سکول د کوټې څانګې د نهم ټولګي زده کوونکی دی . په دې ويډیو کې عبیدالله درانی مشال راډیو ته د خپلي پرووژې په اړه وايي. دا ويډيو خدای نور ناصر جوړه کړې

XS
SM
MD
LG