د لاسرسي ځای

وزیرستان: د بې پیلوټه الوتکو برید، پینځه وژل شوي


د پاکستان پر قبایلي سیمې شمالي وزیرستان د امریکا د بې پیلوټه الوتکې په برید کې پینځه مشکوک وسله وال وژل شوي دي.

د چارواکو په وینا، دا برید د شنبې پر سهار د شمالي وزیرستان د دته خېل تحصیل په دېګان سیمه کې د وسله والو پر یوه مرکز شوی دی.

ځینې سرچینې وايي، بې پیلوټه الوتکو د وسله والو له پټنځای سره نېژدې یو موټر هم په نښه کړی دی.

دا په تېره یوه میاشت کې، پر شمالي او جنوبي وزیرستان د بې پیلوټه الوتکو اووم برید دی.

تر دې وړاندې په تر سره شوي برید کې د حقاني شبکې د مشر سراج الدین حقاني ورور بدرالدین حقاني وژل شوی وو.

پاکستانیو او امریکايي چارواکو د هغه د وژل کېدو ادعا کړې وه خو وسله والو طالبانو په دې اړه څه نه دي ویلي.
XS
SM
MD
LG