د لاسرسي ځای

تازه خبر

باړه کې په یوکور توغندي لګیدلي،۹ مړه،۵ ژوبل



د خیبر ایجنسۍ په باړه قمبر اباد سیمه کې په کورونو د هوان توغندي لګیدلي چې په کې د يوې کورانۍ نهه غړي وژل شوي او پنځه نور ژوبل دي.

راپورونه وايي،توغندي د عبدالکریم نومی تن په کورنۍ راپریوتي دي ،نوموړي مشال ريډيو ته وېلي چې د کورنۍ شپږ کسان یې ځای پر ځای وژل شوي او دريو نورو په روغتون کې سا ورکړې ده .

ژوبل کسان ددرملنې لپاره د پیښور روغتونونو ته رسول شوي دي. د یادې سیمې اوسېدونکي وايي توغندي د امنیتی سرتیرو له خوا توغول شوي دي.

خو بل پلو د پوځ د اطلاعاتو اداره ، دا تورونه ردوي او وايي، د دې تر شا د وسله والو لاس دی . خو وسله والو هم له دې نه انکار کړی چې ګواکې توغندي دوی ورولي دي.

یاده دې وی چې د خیبر ایجنسۍ په باړه سیمه کې له تیرې څه مودې راهیسې د وسله والو پرضد پوځي عملیات روان دي ،او وخت نا وخته پکې دا ډول پيښې رامنځ ته کيږي چې ولسی وګړو ته په کې هم مرګ ژوبله اوړي.

د مشال ځانګړې پاڼې

XS
SM
MD
LG