د لاسرسي ځای

نعیم طوری وايي ژوند له موسیقۍ پرته نیمګړی دی


پښتون سندرغاړی نعیم طوری

پښتون سندرغاړی نعیم طوری

نجیب عامر
ـــــــــــــــــــــــ

نعیم طوری نن سبا دیو ښه سندرغاړي په نوم شهرت لري. دهغه اصلي نوم نعیم الله خان دی. هغه د نولس سوه پنځه اویایم کال د مئ په اوله نیټه دکرمې ایجنسۍ په کڅ بل یامین کې زیږیدلی دی. ده په پېښور او سوات کې تر لسم جوماته پورې ذدکړې کړي دي. کالج یې تر څوارلسم جوماته پورې په پاړه چینار کې لوستلی او او ماسټرز یې د پېښور پوهنتون د سوشل ورک څانګې نه کړی دی.
نعیم طوری وايي د وړوکوالي نه سیلانی او مستانه و. لوبې یې خوښیدلې ، کرکټ به یې کولو ،چرګان او مړزان به یې ساتل. مرغۍ به یې ویشتې ، مالونه به یې څرول او په پوله پټي کې به یې یکه زار پورته کولو. دی وايي داسې احساس ورته کیده چې اواز یې ښایسته دی.

نعیم طوری لا په پېښور پوهنتون کې و چې د افغانستان د مشهور موسیقار استاذ غلام سخي او د هغه د زوی همایون سخي سره یې وپیژندل، دهغوی سره ناستې پاستې نعیم طوري ته ډیره ډاډګیرنه ورکړه او د باجې ذدکړه یې وکړه.

وروسته د نعیم طوري پیژندګلوي د پښتو ژبې د خوږ ژبې شاعر رحمت شا سایل سره وشوه او دواړو یو بل د ځان لپاره لازم او ملزوم وګڼل. دده اولنی کیسټ اوډین میوزیک سنټر خپور کړو چې ( د رحمت شا سایل سره اول ماښام ) نومیده. تر هغې وروسته دده په تیرو لسو کلونو کې د سندرو اوه کیسټونه خپاره شوي دي.

نعیم طوري که څه هم د رحمت شا سایل کلام ډیر زیات ویلی خو ددې ترڅنګ یې اولسي ټپې، او سروکې هم ډیر په ښه انداز کې ویلي او همدارنګه یې د لر او بر ددې مهال د ښوښو شاعرانو پیر محمد کاروان، بابر زي، درویش دراني،حسینه ګل ، روغاني او عزیز مانیروال شعرونه هم ویلي دي.

نعیم طوری هنر د شوق لپاره کاروي او د ژوند د تیرولو لپاره د زمکو او د ګاډو د خرڅولو او اخیستلو کارو بار کوي.
دا خوږ ژبی شاعر نن د مشال راډیو د تاترې خپرونې میلمه دی نو د نن تاتره د نعیم طوري په نوم .

XS
SM
MD
LG