د لاسرسي ځای



انیسه اجمل مشال راډيو

پراګ:- د امريکا ولسمشر باراک اوبامه پر هغه قانون دستخط کړی چې له مخې به يې د دغه هیواد د بهرنيو چارو وزارت په يوه مياشت کې دننه د حقاني ډلې د ترهګره ګرځولو په اړه رپورټ ورکوي.
دغه قانون د امریکا د کانګریس په دواړه ایوانو کې له منظورېدو وروسته ولسمشر اوباما لاس لیک کړی، چې په کې حقاني شبکه یوه ترهګره ډله ګرځول شوې، او د مشرانو خلاف یي د کاروایي لپاره هم ویل شوي دي.

په موجوده حالاتو کې امریکا یو داسی توازن جوړول غواړي چې پر پاکستان د حقاني شبکې په اړه فشار واچوي خو امریکا ته د ټرانزټ سهولتونو لپاره د پاکستان ضرورت دی نو به د معاملاتو په داسی طریقه چلولو کوشش کوي چې د دواړو ملکونو د تعلقاتو لړۍ ختمه نشي


د پاکستان د دفاعي چارو کارپوه ریټاريرډ بریګیډیر سعد وايي، چې امریکا له وړاندې هم ځنې ډلې د بهرنيو تره ګرو ګروپونو په لسټ کې شاملې کړېدي چې روستو بیا هغوی سره د امن راوستو په لړ کې خبری کول ګرانې شوي او اوس امریکا یو واري بیا دا ګام پورته کوي.

”که امریکا هر څه په افغانستان کې وکړي او که جنګ هم وګټي، خو بیا به هم د مذاکراتو میز ته راځي نو دهکمي ورکول خو صحیح ده چې یو تن به دهشتګرد وګرځوي او په ځینو کسانو به دا پابندي ولګوي خو که په یو تنظیم ولګول شي نو له تنظیم سره به بیا خبري کول ګرانې شي. “

امریکا په بیا بیا له پاکستانه غوښتي چې، د حقانې ‌ډلې پرضد دې عملیات وکړي، خو پاکستان دغه ډلې پرضد تراوسه عملي ګامونه نه دي پورته کړي.

د مشال راډيو ددې پوښتني په ځواب کې ، که چري حقاني شبکه بهرني تره ګره ډله وګرځول نو پاکستان به یې پر ضد ګام واخلي که یه؟ نو بریګیډیر سعد وویل، پاکستان به اول خپلو مفادو ته ګوري او روسته به بیا د حقاني شبکې پر ضد د عملیات کولو سوچ کوي.

کارپوه بېریسټر زاهد سعید وايي ، په داسی حال کې چې امریکا د افغانستانه د خپلو ځواکونو د ایستلو تیاری نیسي او که د حقاني شبکه د بهرنۍ تره ګرۍ ډلې په لسټ کې شامله کړل شوه نو له دی سره به په افغانستان کې د روغي جوړي هڅو ته زیان ورسیږي.

”زما په خیال خو د امن عمل به بلکل ختم شي ، امریکا ته یوه مسله ده او هغه دا چې که د امریکا څوک خوښ وي نو له هغوي سره مذاکرات کوي . نو د جنګ په وخت کې خو خبرې تل له مخالفې ډلې سره کیږي. “

د امریکا له خوا د حقاني شبکې ترهګره ډله ګرځول به پر پاکستان له سیاسي او دفاعي څه اغېز وکړي؟ په دې اړه په پاکستان کې د بهرنیو چارو کارپوه پروفیسر حسن عسکري وايي.

”دغه رپورټ به ځکه په پاکستان نیغ په نیغه اغیز وکړي، چې زیاتره امریکایان فکر لري د پاکستان استخباراتي ادارې له حقاني شبکې سره رابطې لري او که هغوی یو واري بیا دا خبره وکړه نو بیا خو د امریکا او پاکستان اړیکې خرابیدای شي، خو زما په خیال په موجوده حالاتو کې امریکا یو داسی توازن جوړول غواړي چې پر پاکستان د حقاني شبکې په اړه فشار واچوي خو امریکا ته د ټرانزټ سهولتونو لپاره د پاکستان ضرورت دی نو به د معاملاتو په داسی طریقه چلولو کوشش کوي چې د دواړو ملکونو د تعلقاتو لړۍ ختمه نشي.“

یاده دي وي چې امريکا له دې وړاندې د حقاني ډلې پر ځينو مهمو مشرانو پابنديانې لګولي دي او حقاني ډله په افغانستان کې پر امريکايي پوځيانو د ګڼو بريدونو لپاره تورنه ده.

XS
SM
MD
LG