د لاسرسي ځای

سوات کې یو بل قومي مشر په نخښه کړی شو


زاهد خان چې تیره ورځ وسله والو پرې برید وکړ او سخت ژوبل شو

زاهد خان چې تیره ورځ وسله والو پرې برید وکړ او سخت ژوبل شو

د خيبر پښتونخوا په سوات کې د هوټلونو د ټولنې مشر زاهد خان د ناڅرګندو کسانو په ډزو سخت ژوبل شوی دی.



د خيبر پښتونخوا په سوات کې د هوټلونو د ټولنې مشر زاهد خان د ناڅرګندو کسانو په ډزو سخت ژوبل شوی دی.

د زاهد خان ورو يعقوب خان مشال ريډيو ته وویل، ورور یې تیر ماسخوتن د لمانځه د پاره جومات ته روان و چې برید پرې وشو.

نوموړی دسېدو شریف روغتون ته د علاج لپاره رسول شوی دی، ویل کیږي چې نوموړي ژور تپونه لیدلي دي.

د پيښې په اړه د ځاې تاڼې يو چارواکې محمد اقبال مشال ريډيو ته وویل چې دوی د نامعلومه کسانو خلاف مقدمه درج کړې او د پېښې پر پلټنو بوخت دي.

د زاهد خان خپل خپلوان وايي چې د دوي له چا سره دشمني نه شته .بل پلو د تحريک طالبان پاکستان ، ملاکند څانګې په زاهد خان د بريد پړه قبوله کړې ده.

زاهد خان چې دعوامي نیشنل پارټۍ سره یې هم یو وخت ملګرتیا لرله، د سوات د هغو مخورو مشرانو څخه و، چې تل به یې پر وسله والو نیوکې کولې او حکومتي ځواکونو ته به يې هم د ملامتۍ ګوته نیوله چې ګواکې د سیمې د امنیت په خرابولو کې دوی هم لاس لري.

په خیبر پښتونخوا او قبایلي سیمو کې وخت په وخت هغه قومي مشران په نخښه کیږي چې د طالبانو او یا هم د پاکستاني ځواکونو خلاف د نظر څرګندونه کوي،له زاهد خان نه وړاندې هم ګڼ شمیر نور مشران په ورته ډول تر برید لاندې راغلي دي.
XS
SM
MD
LG