د لاسرسي ځای

فضل ربي رستم په تانده ځوانۍ کې پخه شاعري کوي


فضل ربي رستم

فضل ربي رستم

نجیب عامر :
ــــــــــــــــــــــــ


فضل ربي رستم د پښتو ژبې خوږ ژبی شاعر چې نن سبا یې په ځوان کهول کې ځان ته ښه ښایسته نوم پیدا کړی دی ، دافغانستان د کاپیسا ولایت د محمود راقې وسیدونکی ، په قوم رستم خیل او د حاجي فهیم زوی دی.


فضل ربي رستم په نولس سوه نوي کال کې د پښتونخوا په یکه غونډ کې نړۍ ته سترګې غړولي دي.

ده د وړوکوالي راهیسې د لوبو ، موسیقۍ او ګلونو سره مینه لرله. په لوبو کې یې کرکټ ډیر خوښیده او اوس یې هم خوښیږي ، خو اوس هغه زلمی دی او ځوان خیالونه هم ورسره مله دي.










رستم خپلې لومړنۍ ذدکړې دافغان کډوالو په بیلا بیلو لیسو کې ترسره کړي دي، خو ددولسم صنف بری لیک یې پېښور کې د ( التقوا لیسې ) څخه ترلاسه کړی دی. ترهغې وروسته یې د پېښور په یو کالج کې د منیجمنټ په څانګه کې ذدکړې وکړې او دامهال په هالینډ کې د اقتصاد په څانګه کې لوړې ذدکړې کوي. رستم وايي چې اوس مهال د ذدکړو ترڅنګ د خپل مسلک سره سم کارونه هم پر مخ وړي.


فضل ربي رستم د وړوکوالي راهیسې د پښتو شعرونو سره مینه لري ، له تیرو څو کلونو راهیسې شاعري کوي او نن سبا د وخت او حالاتو سره سمه خوږه شاعري کوي چې پښتانه یې ډیره خوښوي.





رستم به ښايي د څو مجموعو برابره شاعري کړي وي، خو تراوڅه یې د شعر کوم کتاب چاپ شوی نه دی. دی وايي اراده لري چې په نږدې ورځو کې خپله شعري مجموعه چاپ کړي.

د پښتو ژبې دا خوږ ژبی شاعر نن د مشال راډیو د تاترې خپرونې میلمه دی نو دنن تاتره د فضل ربي رستم په نوم .....

دا خپرونه لاندې اوریدلی شئ :

XS
SM
MD
LG