د پاکستان د سیند صوبې په کراچۍ کې د بشري حقونو تنظیمونو او زیاتره دوکاندارانو د حکومت هاغه ګام غندلی دی چې دوکانداران دې په خپله دفاع کې کلنګ اخیستونکي او رخنه ګر یا شرخوښي ځای پر ځای ووژني. هغوی غوښتنه کړې چې د امنیت ټینګولو لپاره دې حکومت خپله ذمه واري په خپله ترسره کړي.
په کراچۍ ښار کې د بدامنۍ او کلنګ اخیستنې د مخنیوي په خاطر سند حکومت دوکاندارنو ته ویلی چې د خپلې دفاع لپاره دې لایسنس داره وسله ترلاسه کړي ـ ددې ترڅنګ امنیت ساتونکو ځواکونو ته یې هم امر کړی چې ترهګر او کلنګ اخیستونکي دې له لیدو سره سم ووژني.
