د لاسرسي ځای



د پاکستاني پوځ لوی درستیز جنرال اشفاق پرویز کياني ويلي د بلوچستان مسئله سياسي ده او حل يې هم باید له دې لارې ولټول شي.

دا خبره نوموړي د سې شنبې په ورځ په اسلام آباد کې د پاکستان د وزيراعظم سید یوسف رضا ګیلاني په مشري کې يوې ځانګړي غونډي ته کړې ده. غونډه د بلوچستان د لادرکه کسانو په اړه رابلل شوې وه.


له غونډي وروسته د پاکستان د اطلاعاتو وزير قمر الزمان کائره خبريالانو ته وويل چې اشفاق کیاني غونډي ته وویل چې دی به په ذاتي توګه داخبره يقينی کوي چې د پاکستان پوځ او فرنټیېر کور په قانوني چوکاټ کې وساتي.


تر دې وړاندي هم د خبرو له لارې د بلوچستان د مسلې د حل رايستو هڅه شوې وه خو بريالۍ شوې نه وه. دا ځل خپله د پوځ مشر دا مني چې د بلوچستان مسئله سیاسي ده او حل يې هم سياسی رايستل پکار دی نو پوښتنه داده چې د پوځ لخوا دې ته سياسی مسئله ويل د حل لاره را ايستلۍ شي او که څنګه.


دا او ورسره نوري تړلي نورې پوښتنې د مشال تر رڼا لاندې بحث کې څيړل شوي دي.


د پيپلز ګوند پخوانۍ سنيټر او د بلوچستان د وزير اعلی نواب اسلم رئيساني ورور لشکري رئيساني . خبريال او څيړونکۍ ايوب ترين او ليکوال امان الله شاديزی د بحث ميلمانه او عبدالحۍ کاکړ يې کوربه دی.
XS
SM
MD
LG