د لاسرسي ځای

له باړې د بې کوره شویو کسانو شمېر له دوه لکه واوښت


فرهاد شینواری، مشال راډیو

لواړګی -
د ملګرو ملتونو د کډوالو نړیواله اداره ( یو این ایچ سي آر) وایې چې د پاکستان د خیبر ایجنسۍ د باړې له سیمې د نا امنۍ او پوځي عملیاتو له امله د بې کوره شویو خلکو شمیره خوا وشا دوه لکه او اته زره ته ورسیده.

د دوی په وینا، جلوزو کیمپ ته هره ورځ په سلګونه خلک د رجسټریشن د پاره راځی، خو ۸۵ فیصده خلک یې په جلوزو کډوالو کیمپ کې اوسیدل نه خوښوي او د رجسټریشن او راشن ترلاسه کولو نه پس په پیښور او داسې نورو سیمو کې یا خو د کرایه په کورونو کې پاتې کیږی او یا هم د خپل خپلوانو سره ژوند کوی.

دوی وایي چې کوم خلک یې د کیمپ نه بهر اوسیدل غواړی نو هغوی هم رجسټر کولۍ شی او د خیمو نه علاوه ورته نور هر څه ورکوی،په دې حقله باندې د ملګرو ملتونو د کډوالو ادارې ویاند تیمور خان مشال راډیو ته وویل: ((په جلوزو کې د کډوالو رجسټریشن روان دۍ،او اوسه پورې ۴۷۸۵۰ کورنې رجسټرډ شوی دی چې د نفوسو په حساب یې شمیره ۲۰۸۰۰۰ جوړېږی او یوازي ۱۵ فیصده خلک یې په جلوزو کې پاتې کیږی دا ځکه چې دوی د خپل رسم ورواج له وجې دلته نه اوسیږی.))

نوموړی وویل: (( تر دې وخته پورې مو دې رجسټرډ شوو کورنیو ته په کې خوراکي او غیر خوراکي مواد ورکړي دي، او د پاکو اوبو او صحت آسانتیاوې هم ورکوو،او د یو این هره اداره په کې خپل، خپل کار ترسره کوي.))

د خیبر ایجنسۍ د باړې سیمې سره تعلق لرونکی عبدالقیوم اپریدی وایي: (( دې نا امنۍ او پوځي عملیاتو موږ د یو شمیر ستونځو سره مخامخ کړو،په ماشومانو او ښځو باندې مو ګولۍ راپریوزی، او ډیرۍ ماشومان مو بې دسته شول،او ځوانان مو بې تعلیمه پاتې شول))

یاده دې وی چې د خیبر ایجنسۍ په باړه سیمه کې د تیرو دروو کالونو راهیسې د لشکر اسلام وسلوالې ډلې پرضد پوځی عملیات روان دی،او لا هم پکې بازارونه،سکولونه او روغتونونه تړلی پراته دی،او دنا امنۍ له امله ترې په زرګونه کورنۍ بې کوره شوی دی.
XS
SM
MD
LG