د لاسرسي ځای

ایران راتلونکې میاشت د اټومي پروګرام په اړه بیا خبرې کوي


ايران به په راروانه مياشت کې د ملګرو ملتونو د جوهري وسلو د څار له ادرې سره خبري اتري بيا پيل کړي.

دا خبره د ايټمي انرژی د نړيوالي ادارې لپاره د ايران سفير علي اصغر سلطاني کړې ده.

د ايران سرکاري اژانس ارنا د سلطاني له خولې وايې، خبري اتري به د مئۍ پر ديارلسمه او څوارلسمه نيټه په ويانا کې پيليږي.

د ده په وينا دا فيصله ددوی د ايټمی وسلو د ټولو هلو ځلو سوليځه بڼه ښکاره کوي او دا هم ، چې د ايران خلاف دعوې بې بنياده دي.

ايران د نړی له شپږ پياوړه هيوادونو سره د ايټمی پروګرام په اړه هم خبري اتري بيا بيلوي چې د مئۍ په درويشتمه په بغداد کي پر بيا ليدو سره سلا شوي دي.

د ايران د بهرنيو چارو وزير علي اکبر صالحي ويلي له امريکا، روس ، چين، برتانيه، جرمني او فرانس سره د ايټمی پروګرام پر سر د کيدونکو خبرو اترو په اړه خوشبينه دی.
XS
SM
MD
LG