د لاسرسي ځای

د اسامه بن لادن کورنۍ سعودي عرب ته واستول شوه


د اسامه کورنۍ په دې بس کې هوايي ډګر ته ورسول شوه

د اسامه کورنۍ په دې بس کې هوايي ډګر ته ورسول شوه


پراګ - د اسامه بن لادن د کورنۍ غړي له پاکستانه، سعودي عرب ته استول شوي دي.

چارواکي وايي د اسامه دري کونډې او ماشومان په يوه الوتکه کې د اپرېل د ۲۷مې پر سهار وختي واستول شو.

د القاعده شبکې مشر اسامه بن لادن تېر کال (۲۰۱۱) د مې پر دويمه نېټه د امريکا ځانګړي ځواکونو په يو بريد کې وژل شوی وو، چې تر دې وروسته، پاکستان د اسامه کورنۍ غړي په حراست کې اخیستي ول.

څېړونکې وايي، يو ځل چې دا کورنۍ له پاکستانه ووځي نو هغه تفصيلات څرګندولای شي چې څنګه د نړي تر ټولو مطلوب کس په پاکستان کې کالونه تير کړل او کېدای شي چې د پوځ او يا هم د استخباراتي ادارې ځينې کسانو ورسره مرسته کړې وه.

د اسامه له کورنۍ، د پاکستان استخباراتي اداري پلټنې کړې دي او عدالت تېره مياشت دې هيواد ته په غير قانوني توګه په ننوتو سزا واوروله چې په پوره کېدو یې کورنۍ بیرته واستول شوه.

د مې د دویمې تر دې پېښې وروسته د پاکستان و امریکا اړیکي خراب شول او بیا داسې نورې پېښې وشوې چې اړیکي یې ورپسې نور خراب کړل.
XS
SM
MD
LG